લખનઉમાં ૧૪ વર્ષની બાળકી સાથે સામૂહિક દુષ્કર્મ

Last Updated on 30/08/2025 by Sampurna Samachar

છોકરીને બેભાન અવસ્થામાં છોડીને ભાગી ગયા હેવાનો

પોલીસે ચાર વ્યક્તિઓ વિરુદ્ધ કેસ નોંધ્યો

(સંપૂર્ણ સમાચાર સેવા)

ઉત્તર પ્રદેશની રાજધાની લખનઉના ગ્રામીણ વિસ્તારમાં એક શરમજનક ઘટના બની છે. અહીં, બક્ષી કા તળાવ વિસ્તારમાં એક ર્નિજન જંગલમાં ચાર યુવકોએ ૧૪ વર્ષની છોકરી પર દુષ્કર્મ આચર્યું હતું. પોલીસે જણાવ્યું કે આ ઘટના રાતની છે. પીડિતા પોતાના ઘરેથી નીકળી હતી ત્યારે આરોપી યુવકોએ તેનું અપહરણ કરી તેને ગાડીમાં બેસાડી લીધી હતી. આરોપીઓ છોકરીને જંગલમાં લઈ ગયા, જ્યાં ચારેય યુવકોએ તેના પર દુષ્કર્મ આચર્યું.

પીડિતાના પિતાએ શુક્રવારે સવારે પોલીસ સ્ટેશનમાં ફરિયાદ નોંધાવી. પોલીસે આરોપી શિવા સિંહ, રાજ અને અન્ય બે અજાણ્યા વ્યક્તિઓ વિરુદ્ધ કેસ નોંધીને તપાસ શરૂ કરી છે. પોલીસ આરોપીઓને પકડવા માટે દરોડા પાડી રહી છે.

પોલીસની આ મામલે તપાસ ચાલુ

મળતી માહિતી મુજબ પીડિત છોકરી ગ્રામીણ વિસ્તારમાં રહે છે. સાંજે તે ઘરની નજીક ફરી રહી હતી, ત્યારે ચાર યુવકો ત્યાં આવ્યા. તેઓએ છોકરીનું અપહરણ કરી તેને એક ગાડીમાં બેસાડી દીધી. આરોપીઓ તેને બક્ષી કા તળાવ વિસ્તારના જંગલમાં લઈ ગયા, જ્યાં તેની સાથે દુષ્કર્મ આચર્યું અને છોકરીને બેભાન અવસ્થામાં છોડીને ભાગી ગયા.

મોડી રાત સુધી છોકરી ન મળતાં તેના પરિવારજનો ચિંતિત થયા. તેમણે ઘણી શોધખોળ કરી ત્યારે છોકરી જંગલ નજીક બેભાન અવસ્થામાં મળી. તેને તાત્કાલિક નજીકની હોસ્પિટલમાં લઈ જવામાં આવી. આ પછી, પરિવારે બક્ષી કા તળાવ પોલીસ સ્ટેશનમાં ફરિયાદ નોંધાવી. આરોપી શિવા સિંહ અને રાજ સહિત બે અજાણ્યા આરોપીઓ વિરુદ્ધ કેસ દાખલ કરવામાં આવ્યો છે. પોલીસ આસપાસના સીસીટીવી ફૂટેજ ચકાસી રહી છે અને લોકોની પૂછપરછ કરી રહી છે.