અમદાવાદમાં વધુ એક વખત SOG એ ડ્રગ્સ ઝડપ્યું
(સંપૂર્ણ સમાચાર સેવા)
ગુજરાતમાં દિવસેને દિવસે ડ્રગ્સનું ચલણ વધી રહ્યું છે, એવો એક પણ દિવસ હોતો નથી કે ડ્રગ્સ ના ઝડપાયું હોય. ત્યારે આ ઘટનામાં વધારો કરતા અમદાવાદમાં વધુ એક વખત ડ્રગ્સ ઝડપાયું હતું. નારણપુરા વિસ્તારમાંથી મેફેડ્રોનનો જથ્થો ઝડપાયો છે. સમગ્ર ઘટનામાં ૭ આરોપી સામે પોલીસે ફરિયાદ નોંધાઇ હતી. પોલીસને નારણપુરા વિસ્તારમાં ૨૫.૬૮ લાખનો ડ્રગ્સનો જથ્થો ઝડપી પાડયો હોવાની માહિતી છે.અમદાવાદ સહિત સમગ્ર રાજ્યમાં ડ્રગ્સે પગ પેસારો કરી લીધો હોય તેવું જણાઈ રહ્યું છે. ત્યારે નારણપુરા વિસ્તારમાં મોટા પ્રમાણમાં ડ્રગ્સ ઝડપાયું છે.
નારણપુરા જૈન દેરાસર નજીક એલીફંટા સોસાયટીના ૧૪માં માળેથી SOG એ ડ્રગ્સ ઝડપી પાડ્યું હતું. આ જગ્યા પરથી પોલીસને આશરે ૨૫૬ ગ્રામ ૮૬૦ મિલિગ્રામ ડ્રગ્સ એટલે કે ૨૫.૬૮ લાખનું ડ્રગ્સ ઝડપાયું છે. સમગ્ર ઘટનાને લઇ તંત્ર પર સવાલો પણ ઉભા થઈ રહ્યા છે. SOG પોલીસે કુલ ૭ આરોપી સામે પોલીસ ફરિયાદ નોંધાઈ છે, જેમાં પાંચ આરોપીઓની ધરપકડ પણ કરી લેવામાં આવી છે.
મળતી માહિતી અનુસાર નારણપુરા જૈન દેરાસર પાસે આવેલ એલીફંટા સોસાયટીમાં જીગ્નેશ પંડ્યા નામના આરોપીના ઘરેથી ૨૫૬ ગ્રામ ૮૬૦ મિલિગ્રામ ડ્રગ્સ મળી આવ્યું હતું. જેમાં SOG એ બાતમીના આધારે દરોડા પાડીને ડ્રગ્સનો જથ્થો ઝડપી પાડ્યો હતો. આ કાર્યવાહીમાં SOG દ્વારા ૭ આરોપી સામે ફરિયાદ નોંધવામાં આવી છે. જોકે સાત માંથી પાંચ આરોપીઓને ઝડપી લેવામાં આવ્યા છે.
