આતરસુંબા ગામમાં વર્ષ ૨૦૨૦ માં બન્યો હતો બનાવ
(સંપૂર્ણ સમાચાર સેવા)
કપડવંજ તાલુકાના આતરસુંબા ગામે થયેલી મારામારીના કેસમાં કપડવંજની કોર્ટે આરોપીને એક વર્ષની સાદી કેદની સજા અને દંડનો હુકમ કર્યો હતો.
કપડવંજ તાલુકાના આતરસુંબા ગામમાં ગત તા.૧૮- ૧૦-૨૦૨૦ના રોજ મહંમદ આશીફનાઓ આતરસુંબા બસ સ્ટેન્ડ ખાતે બનાવેલ પેશાબખાનામાં પેશાબ કરવા માટે ગયા હતા. દરમિયાન આરોપી સંજય ડાહ્યાભાઈ ભોઈએ મહંમદ આશીફ સાથે ઝઘડો કરીને કહ્યું હતું કે, તારે અહીં પેશાબ કરવા નહીં આવવાનું તેમ જણાવી ગંદી ગાળો બોલી જાનથી મારી નાંખવાની ધમકી આપી હતી. તથા સંજયે નજીકમાં પડેલી લોખંડની ટામી લઈ આવી મહંમદ આશીફને કપાળના ભાગે મારી ઈજાઓ પહોંચાડી હતી.
આ બનાવ સદર્ભે ફરીયાદી મો.એઝાજ કમરહુસેન મનીયારનાઓએ આતરસુંબા પોલીસ સ્ટેશને ફરીયાદ નોંધાવી હતી. જેની તપાસના અંતે કોર્ટમાં ચાર્જશીટ રજૂ કરતા સદર કેસ એડી.ચીફ જ્યુ.મેજીસ્ટ્રેટ વી.એલ.પરદેશીની કોર્ટમાં ચાલી જતા સરકારી વકીલ ડી.બી.ચૌહાણનાઓએ રજૂ કરેલા મૌખિક પુરાવાઓ, દસ્તાવેજી પુરાવાઓ તથા દલીલો ગ્રાહ્ય રાખીને કોર્ટે આરોપી સંજય ભોઈને તક્સીરવાન ઠરાવી ભારતીય દંડ સંહિતાની કલમ ૩૨૪ મુજબના ગુનામાં એક વર્ષની સાદી કેદની સજા અને રૂ.૧૦૦૦નો દંડ અને દંડ ના ભરે તો વધુ ત્રણ માસની સાદી કેદની સજાનો હુકમ કર્યો છે.ે
