અરવિંદ કેજરીવાલે વિધાનસભા ચૂંટણી ૨૦૨૫ને લઈ આપ્યું નિવેદન
(સંપૂર્ણ સમાચાર સેવા)
દિલ્હીના ઉત્તર નગરથી આમ આદમી પાર્ટીના બે વખતના ધારાસભ્ય નરેશ બાલિયાનની ધરપકડના એક દિવસ બાદ પાર્ટીના રાષ્ટ્રીય સંયોજક અરવિંદ કેજરીવાલે વિધાનસભા ચૂંટણી ૨૦૨૫ને લઈને મોટું નિવેદન આપ્યું છે. દિલ્હી વિધાનસભા ચૂંટણીમાં ગઠબંધન અંગે તેમણે કહ્યું કે અમે કોઈ ગઠબંધન નથી કરી રહ્યા. આપ દિલ્હીની તમામ સીટો પર એકલા હાથે ચૂંટણી લડશે.
તેમણે દિલ્હીની તમામ વિધાનસભા મતવિસ્તારોમાં ભાજપ દ્વારા પરિવર્તન યાત્રા કાઢવાના ર્નિણય પર કહ્યું, “તેમને યાત્રા કરવા દો. લોકશાહીમાં દરેકને આમ કરવાનો અધિકાર છે. લોકશાહીમાં કોઈપણ કંઈ પણ કરી શકે છે.” આ પહેલા આપના વડા અરવિંદ કેજરીવાલે કહ્યું હતું કે મારા ઉત્તમ નગરના ધારાસભ્ય નરેશ બાલ્યાનની ૩૦ નવેમ્બર ૨૦૨૪ના રોજ ધરપકડ કરવામાં આવી હતી. જ્યારે તે ગેંગસ્ટર વિરુદ્ધ સતત ફરિયાદ કરી રહ્યા છે. હવે તેમના બાળકોને ટાર્ગેટ કરવામાં આવ્યા છે.
ગેંગસ્ટર કપિલ સાંગવાન વતી કહેવામાં આવ્યું હતું કે તમે આ લોકો પાસેથી પૈસા લો અને અમને આપો નરેશ બાલ્યાને આ ધમકીની ફરિયાદ દિલ્હી પોલીસમાં કરી છે. દિલ્હી પોલીસે તેની ફરિયાદ પર કાર્યવાહી કરવાને બદલે તેની ધરપકડ કરી હતી.
ફેબ્રુઆરી ૨૦૨૫માં દિલ્હીમાં કુલ ૭૦ વિધાનસભા બેઠકો પર ચૂંટણી યોજાવા જઈ રહી છે. આ ચૂંટણીમાં આપ ચોથી વખત દિલ્હીમાં સત્તા પર પાછા ફરવા માટે સખત પ્રયાસ કરી રહી છે. બીજી તરફ આ વખતે ભાજપ અને કોંગ્રેસના નેતાઓ પણ આપ વિરુદ્ધ આક્રમક વલણમાં જોવા મળી રહ્યા છે. ૨૦૨૦ની વિધાનસભા ચૂંટણીમાં ૭૦માંથી ૬૨ વિધાનસભા બેઠકો જીતી હતી.
દિલ્હીના ગ્રેટર કૈલાશ વિસ્તારમાં પૂર્વ મુખ્યમંત્રી અને આપના રાષ્ટ્રીય સંયોજક અરવિંદ કેજરીવાલ પર હુમલો થયો હતો. કોઈ અજાણ્યા શખ્સે તેમના પર લિક્વિડ ફેંકવાનો પ્રયાસ કર્યો હતો. જેને લઈને મંત્રી સૌરભ ભારદ્વાજે ભાજપ પર નિશાન સાધ્યું હતું. તેમણે આરોપ લગાવ્યો કે દિલ્હીની મધ્યમાં અરવિંદ કેજરીવાલને જીવતા સળગાવવાનો પ્રયાસ કરવામાં આવ્યો હતો. આ બહુ ગંભીર બાબત છે. તેમણે કહ્યું કે ભાજપ ચૂંટણી હારવા જઈ રહ્યું છે, તેથી તે બોખલાઈ ગયું છે.
